Бурычны түләгәндә хезмәт хакын яшәү минимумы күләмендә сак­лап калырга була дип ишеттем. Бу дөрес­ме?

Бурычны түләгәндә хезмәт хакын яшәү минимумы күләмендә сак­лап калырга була дип ишеттем. Бу дөрес­ме?

Газета укучыгыз.

ҖАВАП  

– Бурычлы кеше суд приставларына хезмәт хакын һәм башка керемнәрне ай саен эшкә яраклы халыкның яшәү минимумы күләмендә саклап калып түләтүне сорап гариза белән мөрәҗәгать итәргә хокуклы, – дип хәбәр итә Яшел Үзән прокуроры ярдәмчесе Илнур Мозаффаров. – Әлеге гариза нигезендә суд пристав-башкаручысы бурычны түләтү турында карарда бурычлы кешенең хезмәт хакын һәм башка керемнәрен яшәү минимумы күләмендә саклау турындагы таләпне чагылдыра.

Шуны истә тоту мөһим:

• бурыч түләткәндә яшәү минимумын саклау таләпләре башкарма документларда түбәндәге очракларда исәпкә алынмый:
• алимент түләтүдә;
• сәламәтлеккә китерелгән зыянны каплауда;
• туендыручының үлеме белән бәйле зыянны каплауда;
• җинаять кылудан китергән зыянны каплауда.

Шуны да әйтеп узарга кирәк: суд прис­тав-башкаручының бурычлының гаризасын канәгатьләндерүдән баш тартуы турындагы карарына да шикаять белдерергә була һәм бу бәхәс судта каралырга мөмкин.