«Яшьләргә менә дигән остаз ул!»

Яраткан газетам аша Норлат ашыгыч медицина ярдәмендә хезмәт куючы фельдшер Гөлшат Хәкимовага рәхмәтемне җиткерим әле. Озак еллар район халкына беренче ярдәм күрсәтүче тәҗрибәле белгеч, яшьләргә менә дигән остаз ул. Аның кебекләр турында җылы сүзе, якты йөзе белән дә дәвалый диләр. Без – Бузай авылында яшәүче өлкәннәргә Норлаттан кирәк-ярагын да алып килә. Теләгебез бер: үзе дә авырмыйча эшләсен. Гаиләсенә имин, тыныч тормыш телибез.

Фото: «ЯҮ» архивы