«Бик кыйммәткә төшә ул бәрәңге дигәннәре»

Авылда азык-төлек бушлай килә дип фикер йөртүче шәһәр кешесенә аптырыйм да инде мин. Булыр сиңа бушлай, иң әүвәл фәлән сум түләп бакчаңны сукалатасың, аннан кабат трактор чакыртып утыртасың, билләр кәкерәеп катканчы чүбен утагач, сыздыртасың. Барысы да акчага, үзебезнең хезмәт кенә бесплат. Инде матур гына үссеннәр дип уйлап куйганда, кортларын эшкәртергә кирәк. Кыскасы, бик кыйммәткә төшә ул бәрәңге дигәннәре. Шулай да үзең үстергәнгә җитми инде. Көзен базардан да, ярминкәдән дә эзлисе түгел, базга урнашкан бушлай бәрәңгеңне генә шөкер итеп ашыйсы.

Фото: Рәзилә Хәйретдинова, «ЯҮ»