ЮХИДИ бәйрәмнәрдә машина йөртүчеләрне масштаблы тикшерәчәк

Беренче этап 31 декабрьдән 3 гыйнварга кадәр, икенчесе 7 гыйнвардан 10 гыйнварга кадәр узачак.

"ЮХИДИ хезмәткәрләре урамнарны 31 декабрьдән 10 гыйнварга кадәр патрульләүне көчәйтәчәк - Дәүләт автоинспекциясе бәйрәмнәр вакытында масштаблы рейдлар үткәрергә әзерләнә. Рейдларда катнашучыларга исерек хәлдә руль артына утырырга карар кылган барлык хокук бозучыларны ачыкларга туры киләчәк. ЮХИДИ хезмәткәрләре белән бергә юлларда башка полиция вәкилләре, шулай ук Росгвардия кизү торачак", - диелә басмада.

Басма билгеләп үткәнчә, беренче чиратта хокук саклау органнары хезмәткәрләре руль артына исерек хәлдә утыручы хокук бозучыларны ачыклаячак. Мондый рейдларны ЮХИДИ вәкилләре Россиянең барлык төбәкләрендә тәүлекнең якты вакытында гына түгел, төннәрен дә үткәрәчәк. Алар, юл-патруль хезмәте берничә экипажы юлны ябып һәм барлык машина йөртүчеләрне тикшерү кебек массакүләм ысулын кулланачак.