Яшел Үзән районында балыкчыны коткардылар

Зөя елгасын патрульләгәндә "Идел киңлекләре" табигать тыюлыгы хезмәткәрләре бата башлаган ир-атны күреп ала. Ул моторлы көймәсеннән төшеп китә. Көймә аның тирәли бертуктамый әйләнә, хәтта өстеннән дә чыга.

- Без аны тиз генә судан чыгардык, чәй эчердек һәм 112 хезмәтенә шалтыраттык, ә менә көймә белән маташырга туры килде. Нәтиҗәдә, йөзү чарасын туктаттылар һәм балыкчы белән бергә ярга алып килделәр, - дип сөйләде "Идел киңлекләре" тыюлыгының әйдәп баручы белгече Анатолий Молюшкин.

Коткарылган балыкчы медиклар ярдәменнән баш тарткан. Тыюлык хезмәткәрләре халыкны үз гомерләренә сакчыл карарга, уяу булырга һәм суда үз-үзеңне тоту кагыйдәләрен үтәргә чакыра.