Бүген иртән Васильевода Лагерная урамында Лада "Калина" һәм “Форд Mondeo” катнашында юл-транспорт һәлакәте була.
54 яшьлек хатын-кыз юл чатыннан чыгып, маневрның куркынычсызлыгына ышанмаган һәм каршы як хәрәкәт полосасына эләккән.
Бу вакытта каршысына чит ил машинасы килә торган була, бәрелешәләр.
Юл-транспорт һәлакәте нәтиҗәсендә Калинада утырган пассажир иминлек каешын эләктермәгәнгә, имгәнгән. Баш мие селкенгән һәм бите җәрәхәтләнгән егетне Васильево хастаханәсенә стационар дәвалануга җибәргәннәр.
Иң мөһим һәм кызыклы язмаларны Татмедиа Telegram-каналында укыгыз
