Татарстанда куркыныч юл-транспорт һәлакәте яшүсмернең гомерен өзгән

Татарстанда трассада ике кеше һәлак булган һәм өч кеше зыян күргән куркыныч юл-транспорт һәлакәте нечкәлекләре билгеле булды. "Хёндай" һәм МАЗ йөк машинасы катнашындагы авария Баулы янында була. Һәлак булучылар арасында 15 яшьлек кыз булуы да билгеле.

Авария М-5 "Урал" автомобиль юлының 1262 чакрымында була. Беренчел мәгълүматлар буенча, МАЗ автомобиленең 48 яшьлек йөртүчесе куркынычсыз тизлекне сайламаган, каршы як полосага чыккан һәм 45 яшьлек машина йөртүче идарә иткән "Хёндэ" автомобиле белән бәрелешкән. Юл-транспорт һәлакәте нәтиҗәсендә "Хёндэ" автомобиле йөртүчесе һәм аның 15 яшьлек пассажиркасы алынган җәрәхәтләрдән урында вафат булган. «Хёндэ» автомобиленең тагын ике пассажиры һәм төрле җәрәхәтләр белән йөк машинасы йөртүчесе Бөгелмә Үзәк район хастаханәсенә озатылган.