Яшел Үзән

М7 автотрассасында юл-транспорт һәлакәтендә кеше үлгән

Татарстанда М7да ике чит ил маркалы автомобиль бәрелешкән, бер кеше үлгән һәм ике кеше зыян күргән.

Үлем китергән юл-транспорт һәлакәте 25 октябрьдә көндез Казан – Свияжск юлында була. Бу хакта "Татар-информ" мәгълүмат агентлыгына фаҗига шаһитлары хәбәр итә.

Аларның сүзләреннән аңлашылганча, авария кичә көндезге сәгать өчләрдә Свияжскига бару юлда килеп чыккан.

"Дэу" йөртүчесе каршы як хәрәкәт полосасына чыккан һәм "Хендэ" белән маңгайга маңгай бәрелешкән. Бәрелүдән автомобильләр юлның ике ягына ташланыла һәм алар машина юлының зур өлешен томалап, хшрәкәтне тоткарлый.

Юл-транспорт һәлакәте нәтиҗәсендә бер кеше һәлак була, тагын икесе авыр җәрәхәтләр алган.

Фаҗига шартлары ачыклана.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: