Казанның Татарстан һәм Тинчурин урамнары киселешендә трамвайлар хәрәкәте туктаган.
Социаль челтәрләрдә шаһитлар хәбәр итүенчә, моңа трамвай белән җиңел автомобиль катнашындагы юл-транспорт һәлакәте сәбәп булган. Хәрәкәт ярты сәгатьтән артык вакыт дәвамында туктап торган.
«Метроэлектротранс» предприятиесендә «Татар-информ» агентлыгына хәбәр итүләренчә, беренче маршрут трамвайларының хәрәкәте вакытлыча туктатылган. Хәзерге вакытта Дәүләт автоинспекциясе хезмәткәрләренең килүе көтелә.
Казан дәүләт автоинспекциясе мәгълүматлары буенча, һәлакәттә зыян күрүчеләр юк.
Татар-информ
Нет комментариев