Алдакчыларга акча күчергән

Кыз сүзләре буенча, социаль челтәрләрнең берсендә аңа танышыннан хәбәр килә, ул 5000 сум биреп торуын үтенә. Язышуда күрсәтелгән счетка акча күчерелгәннән соң, кыз җибәрелгән акчаларның килеп җитүен ачыкларга була, әмма җавап булмый.

Соңрак зыян күрүче танышыннан аның социаль челтәрләрдә "бите ватылган" булуы турындагы хәбәрне күргән.

Россия Эчке эшләр министрлыгының Яшел Үзән районы буенча бүлеге гражданнарга мондый хәбәрләр килгәндә, хәтта иң якын дуслардан яки туганнардан булган очракта да, аларга шалтыратырга, аларның чыннан да сезнең ярдәмгә мохтаҗмы икәнлекләрен ачыкларга кирәклеген искәртә.