Яшел Үзән

5 – 11 октябрьдә янгын сүндерүчеләр 31 чакыру кабул итеп алган

Шуларның 13е ялган булган. 10 янгын очрагы, 3 янгын корбаны теркәлгән.

Татар Танае авылының Кооператив урамындагы йортта, якынча фаразлауларга караганда, ут белән саксызлыктан янгын чыккан. Нәтиҗәдә, йорт һәм сарай янып, 64 квадрат метрга зыян килгән.

Бело-Безводное авылының Дачная урамындагы йорт мунчасында янгынның мичтән чыккан булуы ихтимал. Уттан мунчаның 2 квадрат метрына зыян килгән.

Шәһәрнең Декабристлар урамындагы йорт янында «ГАЗ-473203» автомобиле кабинасына, механизм нарының төзек булмавыннан, ут капкан.

Норлат авылының Совхоз урамындагы йорт сараенда ут электр җиһазыннан чыккан, дип фаразлана. Нәтиҗәдә, сарай һәм мунча янган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: