316 тапкыр юл йөрү кагыйдәсе бозылган. Шуларның 46сында матди зыян китерелгән

Яшел Үзәннең Көнбатыш урамында 38 яшьлек скутер йөртүчене исерек булуына шикләнеп, туктатканнар. Ул алкотектор приборына өрүдән, медицина тикшеренүеннән баш тарткан. Нәтиҗәдә, аңа РФ КоАПның 12.2 нче маддәсенең 2нче өлеше буенча административ материал төзелгән. Скутерын махсус тукталышка куйганнар.
Энгельс урамында «Фольксваген» автомашинасын туктаталар. Йөртүчесе – 41 яшьлек хатын-кыздан аракы исе аңкып торганга күрә, аңа алкотектор приборы трубкасына өрдертмәкче булалар. Йөртүче ханым баш тарта. Медицина тикшеренүенә дә ризалашмый. Шулай итеп, аңа карата административ беркетмә төзелә.