31.08. – 06.09. атнасында янгын сүндерүчеләр 19 чакыру кабул итеп алган

Ленин урамындагы йорт фатирында янгын, тәмәке тартканда ут белән саксызлык аркасында чыккан дип фаразлана. Янгын сүндерүчеләр бүлмә идәнендә инвалид ир кешене табалар. Ул төтен белән агуланган һәм сул җилкәсендә 1,2 дәрәҗәдәге пешү алган, исән була. Аны ашыгыч ярдәм хезмәткәрләренә тапшыралар. Фатирның 2 кв.метрына зыян килгән.
774нче километрда урнашкан «Энергетик-1» бакчачылык җәмгыятендәге участокта мунча янган. Ут, мичнең дөрес урнашмавы һәм дөрес кулланылмавы аркасында чыккан, дип фаразлана.