175 нче мәктәптә тугыз кешене үтергән Илназ Галәвиев Казанга кайтасы килү теләге турында белдерде

"Өйгә кайтасым килә. Казан СИЗОсында "Бутырка"га караганда тәмлерәк ашаталар. Иртәләрен анда сөттә ботка, төшке ашка борщ була, ә кичен - балык консервалары белщн макарон. Казанда минем изолятор счетында акчам бар иде (туганнарым салды). Мин төрмә ларегыннан шоколад һәм конфетлар ала идем ", - дип сөйләде егет.

Шулай ук, ул Мәскәүгә этап алдыннан әти-әнисенә хат язуын һәм инде мөгаен җавап килгәндер, дип өстәде.

"Алар (әти-әниләр) борчылалардыр дип уйлыйм. Әти аеруча борчыла. Ул миңа СИЗОга киемнәремне бирде. Ә болай мин аларны бер тапкыр да ишетмәдем һәм күрмәдем, шалтыратулар һәм күрешүләр әлегә тыелган», - дип хәбәр итте Галявиев.