ЗМК продукцияне "акыллы кәгазьгә" төрә башлады

Яшел Үзән сөт эшкәртү комбинаты майлылыгы 5% булган «Очень важная корова» эремчек төргәген яңартты. Эчке төргәкнең материалы – “Эколин” яки “акыллы кәгазь". Швециядә эшләнгән. Ул артык җиңел һәм куллануда уңайлы, продуктның тәм сыйфатын саклый, әчеми, ят исләрне кертми.

"Бу шәп фольга һәм пергаментка яхшы альтернатива. «Акыллы кәгазь " дым һәм майга чыдам, полимер пленкалар кебек, шул ук вакытта форманы яхшы тота. Яңа төргәкне куллану - ул әйләнә-тирә мохитне саклауга да өлеш кертә. «Эколин» төргәк кабат эшкәртелергә мөмкин, ә туфракта табигый юл белән ел дәвамында таркала», – дип сөйләде «ЗМК» АҖ җитештерүенең баш технологы Юлия Максимова.

Төргәкнең тышкы өлеше шулай ук эшкәртелә торган материалдан – полипропиленнан эшләнгән. Ул үтә күренмәле түгел, аңа сыер сурәте төшерелгән. Әлегә яңа төргәктә майлылыгы 5% булган эремчекне генә сатып алырга мөмкин, әмма предприятие аны башка продуктлар өчен дә кулланырга планлаштыра.