Зеленодольск «Хәтер шәме» бөтенроссия акциясендә катнашты

Ел саен якташларыбызның батырлыгы истәлегенә Хәтер һәм кайгы көне үткәрелә.
Яшел үзәнлеләр акциядә катнашты һәм Җиңү паркында мәңгелек утка чәчәкләр салдылар. Чарада катнашучыларны районыбыз башлыгы Михаил Афанасьев исеменнән башкарма комитет җитәкчесе урынбасары Денис Лулаков сәламләде:
- Яшел үзәнлеләр безнең бабаларыбыз башкарган бу батырлыкны һәм Бөек Ватан сугышының җиңүгә китергән 1418 көнлек куркыныч юлын хәтерли. Ул онытылмады һәм без моны һәрвакыт истә тотачакбыз!
Батырларны бер минутлык тынлык белән искә алып, килүчеләр шәм кабыздылар да шәһәр күленә юнәлделәр.
Шәмнәрдән «Зеленодольск помнит» сүзләре язылган иде.
Әлеге кабызылган хәтер шәмнәре - уртак кайгы билгесе генә түгел, тирән рәхмәт һәм бердәмлек символы да ул.