Юка боз өстенә чыгу куркыныч!

Татарстан Гадәттән тыш хәлләр министрлыгының ГИМС Яшел Үзән инспекторлык бүлеге хезмәткәрләре һәм сулыкларда коткару җәмгыяте вәкилләре шәһәр күле территориясендә патрульлек итәләр һәм яшел үзәнлеләргә калынлыгы 7 сантиметрдан да кимрәк булган бозның куркынычлыгы турында профилактик әңгәмәләр үткәрәләр.

- Бүгенге көндә шәһәр күлендә боз калынлыгы 3-5 сантиметр тәшкил итә. Әгәр кеше бозлы суга төшсә, ул ярдәмсез, күп дигәндә, 2 минут тота алачак. Моннан тыш, 7 сантиметр калынлыкта бозга чыккан өчен, ТР КоАП 3.10 ст. 2нче өлеше нигезендә, кисәтү яки 1,5 меңнән ике мең сумга кадәр штраф яный, - ди җирле ГИМС бүлеге җитәкчесе Сергей Евсеев.