Әйшә яңара

Мәдәният йортына капиталь ремонт ясалу турында инде хәбәр иткән идек. Ул ике елга исәпләнгән. Узган ел – 15 млн. сумлык эш башкарылса, быел төзекләндерү шулай ук 15 млн сумга исәпләнгән. Бүгенге көндә эшләр ахырына якынлаша.
– Клубыбыз, шөкер, өр-яңа булып үзгәрә. Бүген матурлау эшләре бара. Яңа кабинетлар, театр студиясе, хореография, йога белән шөгыльләнү өчен махсус җайлаштырылган бүлмәләр булачак. Кыскасы, рәхәтләнеп эшләргә, иҗат итәргә мөмкинлекләр җитәрлек. Бар да уңай гына барса, сентябрь аенда ремонт эшләре төгәлләнеп, мәдәният йортыбыз ачылырга тиеш, – дип шатлыгы белән уртаклаша Әйшә үзәкләштерелгән клуб системасы җитәкчесе Светлана Ульданова-Баязитова.
Бина гына түгел, җиһазлар да күп ләр көнләшерлек. ТР Мәдәният министрлыгыннан тавыш, ут җиһазлары бүләк ителгән. Район да үз ярдәмен күрсәтми калмас. 
Тулы варианты газетабызда