Борынгы заманнардан ук безнең бабаларыбыз Нәүрүз бәйрәмен үткәргән. Ул язның көн белән төн тигезләшкән вакыты 21-22 мартларга туры килгән.
Бу көнне малайлар һәм кызлар һәр өйгә кереп, хуҗаларга такмак – такмазалар әйткән, аларны бәйрәм белән котлаган, ә хуҗалар аларга күчтәнәчләр биргән.
Әйшә урта мәктәбендә дә башлангыч сыйныфлар өчен Нәүрүз бәйрәме үткәрелде. Укучылар бергәләп, Нәүрүзбикәне каршылады, аңа багышлап матур шигырьләр, төрле җырлы – биюле уеннар уйнады, яз сылуының күчтәнәчләре белән сыйланды. Бәйрәм күңелле һәм җылы атмосферада үтте.
Нет комментариев