Яшел Үзәннең булачак фермерларына

Татарстан Республикасы Авыл хуҗалыгы һәм азык-төлек министрлыгы «2017-2020 елларга Татарстан Республикасында яшь фермерларга ярдәм» ведомство программасында катнашучы крестьян-фермер хуҗалыкларын сайлап алу буенча конкурс башлану турында игълан итә. Бу турыда министрлыкның матбугат хезмәте хәбәр итте.
Конкурска гаризалар һәм документлар 3 апрельдән 3 майга кадәр Татарстан Республикасы Авыл хуҗалыгы һәм азык-төлек министрлыгында  кабул ителә. Адресы: Татарстан Рес­публикасы, Казан шәһәре, Федосеев ур., 36 йорт, 3 нче кат, каб. 302.
Кабул итү вакыты: эш көннәрендә 9.00 сәгатьтән 16.00 сәгатькә кадәр.
Грант бирү тәртибе һәм документлар рәвешләре турындагы мәгълүмат http://agro.tatarstan.ru  сайтында  урнаштырылган.

Илсөя Завилейская фотосы.