Яшел Үзәндә янгында ир-ат һәлак булган

Яшел Үзәндә шәхси йортта янгын чыгып, ир-ат һәлак булган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Янгын кичә Шәриф Камал урамындагы 7нче йортта чыккан. Ут агач йортның 70 квадрат метрын ялмап алган.

Янгын сүндерүчеләр эш барышында 69 яшьлек ир-ат мәетенә тап булган.

Беренчел мәгълүматлар буенча, янгын электр җиһазын куллану кагыйдәләрен дөрес үтәмәү аркасында килеп чыккан.

Фото: ГУ МЧС России по РТ