Яшел Үзәндә 51 яшьлек ир-ат яшь егеткә аткан

Татарстанда 51 яшьлек исерек ир-ат 23 яшьлек егеткә аткан. Бу хакта “Татар-информ”га Россия Эчке эшләр министрлыгының Татарстан буенча матбугат хезмәтеннән хәбәр иттеләр.

11 мартта, Яшел Үзән районының “Чайка” турбазасында исерек ир-ат травматик пистолеттан яшь егеткә ата башлаган. Ике ядрә егетнең муенын һәм аркасын яралаган. Аны хастаханәгә озатканнар.

Җәнҗалчыны тоткарлаганнар. Әлеге факт буенча “Явыз ният белән сәламәтлеккә уртача зыян салу“ маддәсе нигезендә җинаять эше кузгатылган.