Яшел Үзән

Яшел Үзән шәһәре

18+
2024 - Гаилә елы
Яшәеш

Яшел Үзән волонтерлары карантин вакытында ялгыз өлкән кешеләргә ярдәм итәчәк

Яңа коронавирус инфекциясе таралуына юл куймас өчен, белгечләр өлкән буын кешеләренең куркыныч төркемендә булуын даими искә төшерә. Шуңа күрә махсус санитар-эпидемиологик режим вакытында 65 яшьтән өлкәнрәкләргә өйдән чыгарга киңәш ителми.

- Хәзер мин балаларга һәм оныкларга мөрәҗәгать итәм: без барыбыз да әти-әниләребезне, әби-бабаларыбызны яратабыз, аларга сәламәтлек, озын гомер телибез. Илебез һәм бөтен дөнья өчен гади булмаган бу көннәрдә, якыннарыгыз, өлкән күршеләрегез, танышларыгыз турында кайгыртыгыз. Аларга азык-төлек алып килегез, дарулар сатып алыгыз, хәзер аларга бу бик тә кирәк, - дип мөрәҗәгать итә Яшел Үзән районы башкарма комитеты җитәкчесенең социаль мәсьәләләр буенча урынбасары Денис Лулаков.

Ә ялгыз өлкән яшьтәге һәм ялгыз яшәүче гражданнар өчен “кайнар линия” телефоны 8 (84371) 4-01-56 эшли башлады. Волонтерлар заявкалар буенча азык-төлек продуктлары, табиб рецептыннан башка җибәрелә торган дарулар алачаклар.

“Кайнар линия” дүшәмбедән җомгага кадәр 8.00 сәгатьтән 17.00 сәгатькәчә эшли. Төшке аш вакыты 12.00-13.00.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X