Яшел Үзән укучыларына юка бозның куркыныч булуы турында сөйләделәр
Халык арасында профилактик әңгәмәләр уздыру - ГИМС хезмәткәрләренең һәм сулыкларда коткару җәмгыятенең (ОСВОД) төп бурычларының берсе. Балаларны бәладән саклау – өстенлекле.
Яз башыннан Яшел Үзән районы мәктәпләрендә язгы чорда сулыкларда үзеңне тотуга багышланган тематик дәресләр башланып китте.
- Балалар, бервакытта да бозга кермәгез! Аның ныклыгын тикшерергә кирәкми. Чөнки боз астына китәргә секундлар да җитә, ә бозлы судан чыгу мөмкин түгел диярлек. Салкын суда булган һәр минут уңай нәтиҗәгә шансны бик аз калдыра. Үзегез дә бу хакта онытмагыз һәм якыннарыгызны да кисәтегез: юка боз хаталарны гафу итми! – дип сөйләде МЧС хезмәткәрләре балаларга.
Дәресләрдә саклык чаралары турында гына түгел, ә сулыкларда үз-үзеңне ничек тоту турында да сөйләштеләр.
- Әгәр дә сез суда бәла шаһиты булсагыз, бервакытта да суга кермәгез, беренче чиратта “112”гә шалтыратыгыз һәм өлкәннәрне ярдәмгә чакырыгыз!
Регина Чибрикова.
Следите за самым важным и интересным в Telegram-каналеТатмедиа
Нет комментариев