Яшел Үзән тимер юлында фаҗига

Беренчел мәгълүматлар буенча, 14 яшьлек ике яшүсмер тимер юл цистерналары аша сикереп чыгарга карар кылган, нәтиҗәдә электр тогы суга. Берсен шунда ук Яшел Үзән үзәк район хастаханәсенең реанимация бүлегенә электротравма диагнозы һәм бөтен тәннең 2 дәрәҗәдә пешүе белән китерәләр.

Икенче яшүсмер вакыйга урыныннан качкан. Әмма өйдә аның әнисе ашыгыч ярдәм чакырткан һәм баланы шулай ук үзәк район хастаханәсенә баш мие имгәнүе, маңгай сөяге сыну диагнозы белән илтәләр (ул вагоннан егылган). Бите һәм куллары пешкән. Хәзер ике яшүсмер дә табиблар күзәтүе астында.

Яшел Үзән янгын-коткару гарнизоны хезмәткәрләре ата-аналарны игътибарлырак булырга, балаларын күзәтергә, аларның буш вакыт контрольдә тотарга, балаларга көнкүрештә һәм җәмәгать урыннарында куркынычсызлык чаралары турында искәртергә чакыра. Уяу булыгыз һәм үзегезне, балаларыгызны саклагыз!