Әмма температураның күтәрелүе озакка бармаячак. Бу хакта республиканың Гидрометүзәге хәбәр итте.
Бүген, 15 декабрьдә, салкын һава сакланачак. Шулай ук, азрак кар да яварга мөмкин. Төнлә -13-18 градус салкынайтачак, ә аязганда термометр баганалары -25 градуска кадәр төшәчәк. Көндез температура -7..-12 градуска кадәр күтәреләчәк.
Чәршәмбе һәм пәнҗешәмбе, 16 һәм 17 декабрьдә, җылына, әмма буран көтелә. Төнлә -9-14, көндез -4.-10 градус салкын булачак.
Җомга көнне, 18 декабрьдә, кар һәм секундына 18 метрга кадәр көчле җил көтелә. Төнлә температура -7..-12 градуска кадәр төшәчәк, ә көндез -8 градус.
Ялларда Татарстанга салкын һава торышы кайтачак.
Нет комментариев