«Яшел Үзән» басуларында эш кайный

Район игенчеләре көнбагыш урагында армый-талмый хезмөт куя. Бездә көнбагыш бөртек өчен 4 мең 88 гектарда игелде. Бүген шул мәйданның 700 гектардан артыгы суктырылды. Һәр гектардан уртача 10 центнер уңыш чыга. 
Шулай ук авыл эшчәннәре кукурузны бөртеккә суктыру эшләрен дә алып баралар. Районыбыз басуларында бөртек өчен кукуруз 2156 гектарда чәчелгән иде. Бүгенгә аның 590 гектары суктырылды. Район буенча гектардан уртача уңыш 55 центнер тәшкил итә. 
Күп хуҗалыкларда механизаторлар туфракны көзге эшкәртү белән мәшгуль. Туңга сөрү барлык мәйданнарның 84 процентында башкарылды.