Яңа ел каникулларыннан соң Россиядә 2019 елның тәүге эш атнасы өч көннән торачак

Россиядә ун көнгә сузылган Яңа ел каникулларыннан соң 2019 елның тәүге эш атнасы өч көннән генә торачак, дип искәртә РФ Хезмәт министрлыгы матбугат хезмәте.

Шулай итеп, беренче эш көне 9 гыйнварга, чәршәмбегә туры килә.

Киләсе озын яллар Халыкара хатын-кызлар көне уңаеннан 8 мартта көтелә. Россиялеләр 8, 9 һәм 10 мартта - җомга, шимбә һәм якшәмбе ял итәчәк.

Быел Ватанны саклаучылар көне - 23 февраль шимбә көнгә туры килү сәбәпле, аның ялы 10 майга күчерелгән.

Мәгълүмат «Татар-информ»нан алынды.