Вильфанд Татарстанда кайчан җылытачагы турында сөйләде

Якын көннәрдә татарстанлыларга җылытуга исәп тотарга кирәкми. Россиянең күпчелек өлешендә аномаль салкыннар көтелә. Алар Идел буе федераль округын да читләтеп үтми.

Гидрометеорология үзәгенең фәнни җитәкчесе Роман Вильфанд фаразлавынча, бүген һәм иртәгә, 18 һәм 19 февральдә, округ территориясендә, шул исәптән Татарстанда, термометр баганасы нормадан якынча 12 градуска түбәнрәк булачак. Аннары аерма акрынлап кимиячәк, һәм инде 21-22 февральдә температура нибары 1-2 градуска түбән булачак.

- Асылда, алдагы биш көндә, 18 февральдән 22 февральгә кадәр температураның уртача аномалиясенә карасак, илебезнең бөтен территориясе диярлек күк төсендә, ә күпчелек өлеше зәңгәр төс белән, ягъни салкын һава торышы буялган. Аномалия температура тискәре, - дип сөйләде синоптиклар.