Венера Иванова кияүгә чыкты (ФОТО)

Мәҗлес өчен матур дата сайлаганнар - 11.11. Кияү Динар исемле. Ишетүебезчә, ул Чаллы якларыннан.

Шатлыклы яңалыкны үзенең инстаграмдагы битендә Зөлфәт Зиннуров та хәбәр итте. "Динар белән Венераны өйләндердек бүген. Бәхетле булсыннар!" дип язган ул. Шулай ук туйда башка иҗат әһелләре дә бар. Зөфәр Билалов яшь парны котлап җыр башкара. ТНВның элеккеге җитәкчелегенә кергән, ә хәзер "Татаркино" оешмасы башлыгы Миләүшә Айтуганова да туйда. Яшьләргә ул бәхет тели.

Венера һәм Динарга яңгыраган барлык котлаурга "Матбугат.ру" да кушыла. Бәхетле булыгыз!

Илназ Сафиуллин фотосы.

«Матбугат.ру»