Узган тәүлектә Татарстанда коронавирусның тагын 70 очрагын ачыкладылар

15 февральдә Татарстан Сәламәтлек саклау министрлыгы республика территориясендә узган тәүлектә теркәлгән инфекция йоктыруның 70 очрагы турында хәбәр итте.

Авыручылар арасында балалар, шулай ук чит ил сәфәрләреннән кайтучылар бар. 29 кеше хастаханәгә озатылган, калганнары яшәү урыны буенча изоляциядә.

Яңа очракларның күбесе Казанда һәм Чаллыда теркәлгән - 27 һәм 13 очрак. Аннары кимеп бару тәртибендә, Азнакай һәм Бөгелмә районнарында 4әр очрак. Алар артыннан Яшел Үзән һәм Норлат районнары бара - 3әр очрак, шулай ук Түбән Кама һәм Тәтеш районнары - 2шәр очрак. Моннан тыш, бер очрак буенча Татарстан Республикасының Аксубай, Алексеевск, Әлмәт, Әтнә, Баулы, Буа, Югары Ослан, Алабуга, Кукмара, Лениногорск, Тукай һәм Ютазы районнары исәпләнә.