Узган тәүлектә Татарстанда коронавирусның 70 яңа очрагы ачыкланды

13 февральдә Татарстан Сәламәтлек саклау министрлыгы узган тәүлектә теркәлгән инфекция белән чирләүнең 70 яңа очрагы турында хәбәр итте. Элегрәк бастырылган хисап белән чагыштырганда аларның саны икегә кимегән.

41 кеше ашыгыч рәвештә хастаханәгә озатылган, калганнары яшәү урыны буенча изоляциядә калырга күрсәтмә алган.

Авыручылар саны буенча Казан (35) һәм Чаллы (11) алда. Тагын 4 очракны Кукмара районында теркәгәннәр. Алга таба кими бару буенча Түбән Кама һәм Норлат районнары бара - 3әр очрак.

Алар артыннан Яшел Үзән, Арча, Тәтеш районнары - 2шәр очрак. Моннан тыш, берәр очрак Алексеевск, Апас, Бөгелмә, Буа, Биектау, Лениногорск һәм Питрәч районнарында исәпләнә.