Урам утларын сүндерү вакыты бармы?

Сорауга Олы Ачасыр авыл җирлеге башлыгы Марат Гатиятуллин җавап бирә:

– Бүгенге көндә урам утларын 18.00 сәгатьтә кабызабыз, 23 сәгатьтә сүндерәбез. Вакыты шулай билгеләнгән һәм ул кояш батуга карап үзгәрәчәк. Октябрь ахырыннан иртән дә, балаларга мәктәпкә барырга якты булсын дип, 6.00дан 7 сәгать 30 минутка кадәр утны кабыза башлыйбыз. Урам утларын тотар өчен бюджетта акча каралган һәм без шушы лимитны ел буена җиткезергә тиешбез. Әйе, экономияләргә туры килә, шулай эшләмәсәң, бөтенләй утсыз калырга мөмкинбез.