«Трактор-прицеп-2019» операциясе башланды
Агымдагы елның 3 июненнән алып 28 июньгә кадәр ЮХИДИ бүлеге белән бергә ТРның Дәүләт техник күзәтчелеге идарәсе «Трактор-прицеп-2019» профилактик операциясен башлады.
Әлеге чара үзйөрешле машиналар – тракторлар, юл-төзелеш техникасы, үзйөрешле машиналарга тагылма корылмалар катнашында юл-транспорт фаҗигаләрен һәм бәхетсезлек очракларын кисәтү һәм киметү максатыннан оештырыла.
Операция барышында үзйөрешле техниканың һәм тагылма корылмаларның техник торышын, техник тикшерү узу-узмауларын, теркәлү документлары булу-булмауны, теркәлү номерларын, тракторчы-машинистларның ярашлы кенәгәләрен тикшерәчәкләр.
Закон бозу очраклары булганда административ хокук бозулар турында Россия Федерациясе кодексы нигезендә административ беркетмәләр төзеләчәк.
Следите за самым важным и интересным в Telegram-каналеТатмедиа
Нет комментариев