Тормышыбызга яктылык өстәүчеләр

Бу көнне энергетика комплексын һөнәри яктан булдыручыларның һәм аларга хезмәт күрсәтүчеләрнең барысы да билгеләп үтә. «Электр», «яктылык» һәм «җылылык» – болар гади генә сүзләр түгел, нәкъ менә алар ярдәмендә йортыбызда уңайлыклар тудырыла да.

Яшел Үзән районы электр челтәре хезмәткәрләрен Яшел Үзән районы башлыгы, шәһәр мэры Михаил Афа насьев котлады:

– Һөнәри эшчәнлектә уңышлар теләп калам. Энергетика - икътисадның төп тармакларының һәм иң мөһим өлкәләрнең берсе. Яшел Үзән электр челтәрләре хезмәте республикада иң яхшыларның берсе – моны мин горурлык һәм ышаныч белән белдерәм. Шуңа күрә, сезне үрнәк итеп куярга кирәк. Мин сезнең һәрберегезгә җаваплы булуыгыз һәм профессионализм өчен рәхмәтле.
Матур гадәт буенча, бу көнне энергетика тармагының иң яхшыларын Идел буе электр челтәрләре директоры Вильдан Нигъмәтҗанов та котлады.

– Коллегалар, мин сезгә бик яхшы башкарган эшегез өчен рәхмәт белдерәм. Узып баручы елда эшләрнең артык булуын без барыбыз да беләбез. Декабрьдә техник тоташтыруларның саны рекордлы булды. Фаразлар буенча, киләсе елда алар тагын да күбрәк булачак. Бу бәйрәм көнендә гади булмаган, әмма мактаулы уртак эшебез өчен горурлык һәм җаваплылык хисе тулыландырсын.

Тантана азагында Яшел Үзән районы электр челтәре хезмәткәрләренә дип ломнар һәм рәхмәт хатлары тапшырылды.