Тәүлек эчендә Татарстанда коронавирусның тагын 87 очрагы ачыкланды

25 гыйнварда Татарстанда таҗ белән зарарлануның 87 яңа очрагы ачыкланды. Гомуми санның ике очрагы читтән кергән булса, 85е – контактта булган.

32 кеше медицина учреждениеләренә озатыла. Авырулар исемлегендә ике бала бар. Инфекцияләнүчеләрнең яше 18дән 90 яшькә кадәр үзгәреп тора.

Татарстан башкаласында 45 кеше йоктырган, 9 – Нурлат районында, 6 - Яр Чаллыда, 3әр – Яшел Үзәндә, Алексеевск, Түбән Кама, Чистай районнарында, икешәр - Әлмәт, Буа, Зәй районнарында, берәр - Аксубай, Апас, Бөгелмә, Кайбыч, Менделеевск, Минзәлә, Питрәч, Тәтеш, Тукай районнарында.

Пандемия башланганнан бирле безнең төбәктә СОVID-19 инфекцияләүнең 15 538 очрагы теркәлгән. Бөтен вакыт эчендә 11 950 терелде, шул исәптән 95е соңгы тәүлектә.

Спутник V вакцинасы - 10 742 кешегә ясалды, шуларның икенче дозасын 1958 кеше алды.