Татарстанда тәүлек эчендә COVID-19 зарарлану очракларының 30 яңа очрагы теркәлгән

Читтән кертелгән очраклар табылмады, дип хәбәр итте ТР коронавирус белән көрәш буенча оперштаб.

Госпитальгә 17 кеше җибәрелгән, 13 кеше өйләрендә дәвалана.

Яңа авыруларның географиясе түбәндәгечә: Казан - 18 кеше; Яр Чаллы – 6; Әлмәт районы – 1; Яшел Үзән районы – 1; Минзәлә районы – 2; Түбән Кама – 1; Спас районы – 1 кеше.

Хәзерге вакытта Татарстанда 21 784 COVID-19 очрагы теркәлгән.

Бу вакыт эчендә 18 941 кеше сәламәтләнгән, шул исәптән 149-ы узган тәүлектә.

Барлыгы 415 386 кеше вакциналаштырылган, 292 587 кеше икенче прививка алган. Республика буенча бер атна эчендә 37 068 кешегә прививка ясалган.