Татарстанда май бәйрәмнәрендә шашлык пешерү тыела

Татарстан Гадәттән тыш хәлләр министрлыгында республикада яшәүчеләрне якынлашып килүче май бәйрәмнәрендә табигатьтә шашлыклар әзерләүдән баш тарту кирәклеге турында кисәттеләр. Ведомствода махсус янгынга каршы режим эше турында искә төшерделәр, ул 25 апрельдән 15 майга кадәр дәвам итәчәк.

Бу чорда учакларны күзәтүсез калдыру, коры үлән һәм чүп-чарны яндыру, торфлы туфракларда ут кабызу тыела. Моннан тыш, Татарстан халкы урманнар янәшәсендә булса, мангала һәм ачык утта ризыклар әзерли алмаячак.

Итне май бәйрәмнәрендә дачада кыздырырга бары тик урамда җилсез һава торышы, ә мангал төзелештән алты метр ераклыкта урнашкан очракта гына пешерергә мөмкин. Шул ук вакытта мангал янында һичшиксез су белән бер чиләк булса да булырга тиеш.