Татарстанда "Үлемсез полк" акциясен онлайн уздырырга планлаштыралар

"Үлемсез полк" халыкара иҗтимагый акциясе, Татарстанда куркынычсызлык максатларында, онлайн узарга мөмкин. Бу хакта Татарстан Республикасы Премьер-министры урынбасары, коронавирус инфекциясе таралуга каршы республика штабы җитәкчесе Ләйлә Фазлыева хәбәр итте.

"Үлемсез полк"ны интернетта онлайн-режимда уздыру варианты булырга мөмкин. Бу акциядә нинди параметрлар булачагын киләсе атнада әйтермен», - дип сөйләде Фазлыева.

Татарстан районнарында Җиңү көненә багышланган массакүләм чаралар, шулай ук, гамәлдән чыгарылачак. Әмма һәр район җитәкчелеге 9 майга һәйкәлләрне һәм монументларны тәртипкә китерергә, ә аннары аларга чәчәкләр салырга тиеш.

"9 май хәзерге вакытта парад яки халык җыю рәвешендә узачак чара буларак карамый. Без 9 майда без башкарырга тиешле беренче нәрсә - ТР районнарында һәйкәлләргә һәм мемориалларга, бик аз санда волонтерлар катнашында, чәчәкләр кую тантаналары", - дип билгеләде Фазлыева.

Татарстанда бәйрәм хөрмәтенә концертның ике сәгатьлек телевизион версиясен әзерлиләр, ул иртән һәм кич трансляцияләнәчәк һәм салют белән тәмамланачак.