Теләк белдерүчеләр төркеменә Роспотребнадзор хезмәткәрләре һәм укытучылар керәчәк.
Татарстанда укытучылар һәм Роспотребнадзор хезмәткәрләре керәчәк 650 ирекле кешедән торган төркем коронавирустан "ЭпиВакКорона" вакцинасы тест партиясен алачак. Бу хакта "Татар-информ" мәгълүмат агентлыгында матбугат конференциясендә ТР буенча Роспотребнадзор идарәсе матбугат сәркатибе Миләүшә Җамалиева сөйләде.
«Татарстанда 650 кеше сайлап алынды. Республиканың оператив штабы тарафыннан теркәлүдән соңгы клиник тикшеренүләрдә катнашачак иреклеләр риск төркеменнән: мәгариф өлкәсе һәм Роспотребнадзор системасы хезмәткәрләре сайланачак, дип карар кабул ителде, - дип билгеләде спикер.
Ул билгеләп үткәнчә, Россия буенча тикшеренүләрдә РФнең биш субъектыннан 4 мең кеше катнашачак, аңа Татарстан да керә.
Исегезгә төшерәбез, 14 октябрьдә Россиядә "ЭпиВакКорона" коронавирустан икенче вакцина теркәлде.
Вакцинаның төп аермасы вирус фрагментлары - синтетик пептид антигеннары булуда. Иммун реакциясен булдырып, препарат иммунитетның алга таба үсешенә ярдәм итә.
Нет комментариев