Татарстанда бүген аяз көн булачак, кар-бураннар көтелми

(Казан, 19 март, "Татар-информ"). 19 мартта Татарстанда көндез һава температурасы -5..-10 градус булачак, дип хәбәр итә республиканың Гидрометеорология үзәге. Көндез явым-төшем көтелми, юлларда бозлавык саклана.

Иртәгә, 20 мартта, аязучан болытлы һава, төнлә урыны белән аз гына кар, буран фаразлана. Көндез аяз булачак. Төнлә һава температурасы -10..-15, көндез -3..-8 градус булачак.

21 мартта төнлә белән явым-төшемнәр көтелми, әмма көндез кар явачак, буранларга да мөмкин. Төнлә һава температурасы -11..-16, көндез -2..-7 градус булачак.