Татарстан синоптиклары быелгы март турында

— Быелгы язның беренче ае рекорд куйды. Мондый суык март соңгы тапкыр 1965 елда булган, ягъни моннан 53 ел элек, — дип сөйли ТР Гидрометеорология үзәгенең метеофаразлар бүлеге башлыгы Ирина Трущина.

Аның сүзләренчә, аномаль һава торышы республика территориясендә төньяк җилләре һәм салкын һава массалары хакимлек итү белән бәйле. Март ахырына кадәр җылыту көтелми. Россия Гидрометеорология үзәге фаразлары буенча, Татарстанда һава температурасы нормадан 5 градуска түбәнрәк булачак дип яза «Мәйдан» журналы.