Татарстан Президенты Рөстәм Миңнеханов, коронавирус белән бәйле рәвештә, республика халкына мөрәҗәгать итте

Анда ул татарстанлыларга ике дәүләт телендә мөрәҗәгать итә. Татарстан Президенты барлык республика халкын ситуациягә җитди карарга һәм авыру таралуга юл куймас өчен, үзизоляция режимын үтәргә өндәде.

Россия Федерациясе Президенты тарафыннан коронавирус инфекциясе таралуны булдырмау өчен кабул ителгән карарлар тайпылышсыз үтәлергә тиеш. Бүгенге вәзгыятькә аңлап каравыгызны үтенәм, диде Рөстәм Миңнеханов.