Җитәкчегә сораулар

– Молодежная белән Столичная урамнары кисешендә светофор кайчан эшли башлар икән? Машина ташкыны зур, бер-берсенә юл бирәселәре килми, барысы да ашыга. Аварияләр шунда еш була, нигә сузарга?
– Светофорларны ремонтлау һәм урнаштыру максатчан федераль программа буенча башкарыла. Ә рес­публикабызда бу эш белән бары тик бер подрядчы шөгыльләнә. Шулай булуга карамастан, әлеге светофорны декабрь урталарында эксплуатациягә тапшырыр­га планлаштырабыз.
***
– Шәһәрдә бәдрәфләр юк. Кыстала башласаң, ә бу хәлнең булуы бик мөмкин, кая барырга? Күл буенда булачак дип ишеткән идем, анда да күренми.
– Күл буенда бәдрәф вакытлыча гына, сезонлы булачак. Ягъни җәйге чорда гына эшләтү мөмкинлегебез бар.