Төбәктә авыру йоктыручылар саны 6536 кешегә җиткән, дип хәбәр итә ТРда COVID-19 белән көрәш буенча оператив штаб.
26 кеше элегрәк авырып китүчеләр белән якыннан элемтәгә кергән, бер читтән килеп чыккан очрак. Сигез кеше хастаханәгә озатыла, 19ы өйләрендә дәвалана.
Иң күп зарарланганнарны Казанда - 14, ике тапкыр йоктыру очрагы - Яр Чаллыда, Әлмәт, Кукмара һәм Саба районнарында ачыклаганнар. Безнең Яшел Үзән районында 1 йоктыру очрагы теркәлгән.
Бөтен чорда 5356 кеше савыкты, шул исәптән узган тәүлектә 59 кеше. Исегезгә төшерәбез, Россиядә коронавирга йоктыручылар саны 1 миллионнан артып китте.
Нет комментариев