Синнән дә әшәке кеше булмаячак

Авылларда чүп мәсьәләсе турында бик дөрес язып чыккан идегез. Авылдашларым шул савытка нәрсә генә салмый, хәтта абзарыннан чыккан тиресен дә. Мин менә шуны гына аңламыйм: моңа кадәр чүп контейнерларыннан башка ничек яшәдек тә, тиресне кая түктек икән?! Элегрәк бит әле һәр хуҗалык мал-туарын да күпләп асрый иде. Нәрсә бу, наданлыкмы, әллә инде акчасын түлибез ич дип кыланумы? Кем нәрсә түккәнен бик яхшы беләбез. Авыл җирендә бар да күз алдында, яшереп булмый. Ә менә үзенә килеп әйтеп кара әле, синнән дә әшәке кеше булмаячак.