Сайлауларда тавышымны җирле депутатлар өчен - Яшел Үзәндә, ә Президент өчен Азнакайда бирдем

Мондый очраклар да исәпкә алынган булып чыкты. Миңа бу юлы сайлау урынын алмаштырырга туры килде. Сайлау комиссиясенә мөрәҗәгать иттем. Миңа анда муниципаль депутатлар өчен яшәү урыны буенча алдан сайларга кирәклеген аңлаттылар.

Бары эш урыныннан сәбәбен аңлатып җитәкче кул куйган рөхсәт кенә алып килергә кирәк икән. Шулай эшләдем дә һәм җирле депутатка тавышымны яшәү урыным буенча Яшел Үзәндә бирдем. Президент өчен тавыш бирергә Азнакай районына кайттым. Яшел Үзән сайлау участогында бирелгән открепительный лист нигезендә миңа, мөрәҗәгать иткән участокта, бер каршылыксыз сайлау мөмкинлеге бирелде.