Россия мәктәпләрендә Украинада махсус операциягә һәм Ватанга мәхәббәт темасына багышланган дәресләр узачак

Алар «Мөһим әйберләр турында сөйләшүләр» дип аталачак. Дәресләр 1-11 нче сыйныф укучылары өчен исәпләнгән.

Мәсәлән, 3-4 сыйныф укучыларына «Ватанны яратырга — Ватанга хезмәт итәргә» дигән мәкальне аңлатырга тәкъдим итәчәкләр.

Укытучыларга Ватанга хезмәт итү мисаллары сыйфатында махсус операциядә (5-7 сыйныфлар) катнашучы хәрби хезмәткәрләрнең тарихын китерергә тәкъдим ителә.

Укытучыларга шулай ук «ДНР һәм ЛНР халкы — рус кешеләре, шуңа күрә аларның Россиягә кайтуы мөһим булуын» (өлкән сыйныфлар) турында да җиткерергә кирәк.