Россия фәннәр академиясе фәнни хезмәткәре Конституциягә төзәтмәләр турында: Алар фән үсешендә ярдәм итәчәк.

РФ Конституциясенә төзәтмәләр безнең ил территориясендә фәнни-техник прогрессны үстерүдә ярдәм итәчәк. Мондый фикерне РФА әйдәүче фәнни хезмәткәре, физика-математика фәннәре докторы, К.Э. Циолковский исемендәге Космонавтика академиясенең мактаулы әгъзасы һәм Казанның мактаулы гражданы Урал Закиров белдерде.

"Мин, һичшиксез, Конституциягә фәнни-техник үсеш турында төзәтмәләр инициативасын хуплыйм. Бу төзәтмә Россиядә фәнни-техник прогресс үсешенә ярдәм итәчәк, - диде Урал Закиров.

Ул, илебез фәнни-техник прогресс өлкәсендә башка дәүләтләрдән артта калмасын өчен мөмкин булганның барысын да эшләргә кирәк, дип өстәде.

Элегрәк "Татар-информ" мәгълүмат агентлыгы хәбәр иткәнчә, Конституциягә төзәтмәләр йөзгә якын федераль законны  үзгәртәчәк.