Россия Федерациясе Авыл хуҗалыгы министрлыгы сөт сату күләмнәре буенча Татарстанның алдынгылыгын билгеләп үтте

Ноябрьдә Россиянең авыл хуҗалыгы предприятиеләре тарафыннан сөт төяү күләме 6%ка 46,13 мең тоннага кадәр арткан, максималь күләмнәр күрсәткән илнең сигез төбәген, шул исәптән Татарстанны атадылар. Бу хакта Татарстан Республикасы Авыл хуҗалыгы һәм азык-төлек министрлыгы матбугат хезмәте хәбәр итә.

«Бүгенге көнгә республика буенча тулаем савым - 3,6 мең тонна, бу узган елга караганда 221,5 тоннага күбрәк (106,5%). Бер сыердан көнгә 16,4 килограмм сөт савып алынган, бу алдагы ел күрсәткеченнән 1,8 кг артыграк», - дип билгеләп үттеләр матбугат хезмәтендә.

Республикада сөт сату 4,1 мең тонна тәшкил итә, бу 2019 елга караганда 250,7 тоннага күбрәк. Татарстан районнары арасында тәүлеклек савым буенча алдынгылар - Әтнә, Мамадыш, Кукмара, Саба муниципаль районнары.